 |
گۆرانی بێژی شۆخ و شه‌نگ نانسی عه‌جره‌م چه‌ند وێنه‌یه‌كی هه‌ردوو كچه‌كه‌ی به‌ناوه‌كانی میلاو إیلا بڵاوكردۆته‌وه كه‌وه‌ك له‌وێنه‌كاندا دیاره هه‌ردووكیان ریكلام بۆ ژماره 8 ده‌كه‌ن و به‌پۆشینی یه‌ك جۆره جلی وه‌كو یه‌ك كه‌ژماره هه‌شتی له‌سه‌ره‌و تایبه‌ت به‌وان دروستكراوه‌و به‌په‌نجه‌كانی ده‌ستیان ژماره هه‌شت ده‌ناسێنن ، ژماره هه‌شتی هه‌ردووكیان ئاماژه‌یه بۆ ئه‌ڵبومی نوێی دایكیان كه‌له‌ئێستادا كاری بۆ ده‌كات و سه‌رقاڵی ئاماده‌كارییه بۆی ، نانسی له‌گه‌ڵ بڵاوبوونه‌وه‌ی وێنه‌كان نووسیویه‌تی: وێنه‌ی هه‌ردوو كچه‌كه له‌ئاهه‌نگی جه‌ژنی دایك و پێشوازی كردن له‌ئه‌ڵبومه نوێ و كۆتایم نانسی 8 .
ئا: شاخه‌وان شێخانی
 |
پسپۆڕانی هیندی جه‌خت له‌سه‌ر ئه‌وه ده‌كه‌نه‌وه كه پێكهاته‌ی شه‌فابه‌خشی ناو به‌هارات و بۆن و تامه‌كانیان له‌ش له به‌رامبه‌ر باكتریاكان و ڤایرۆسه‌كان ده‌پارێزێت.
ئه‌وان ئاماژه به‌م به‌هاراتانه ده‌كه‌ن كه تایبه‌تمه‌ندی دژه شێرپه‌نجه‌یان هه‌یه و پێویسته تێكه‌ڵ به خۆراكه‌كان بكرێن. ئه‌م به‌هاراتانه‌ش بریتین له:
1ـ زه‌رده‌چێوه: به‌هۆی بوونی ماده‌ی كوركۆمین رێگه له گه‌شه‌ی خانه شێرپه‌نجه‌ییه‌كان ده‌گرێت وه‌ك شێرپه‌نجه‌ی پرۆستات و میلانۆم و مه‌مك و وه‌ره‌می مێشك و گه‌ده و خوێن.
2ـ ره‌زیانه: كه ده‌وڵه‌مه‌نده به ریشاڵی ورد و ئه‌نتی ئۆكسانی به‌هێز و رێگه له شێرپه‌نجه ده‌گرێت.
3ـ زه‌عفه‌ران: سه‌رچاوه‌ی سه‌ره‌كی ترشه‌ڵۆكی سروشتیه كرۆستینه كه شێرپه‌نجه كه‌م ده‌كاته‌وه.
4ـ زیره: به یارمه‌تیده‌ری كۆ ئه‌ندامی هه‌رس ناسراوه و تایبه‌تمه‌ندی دژی ئۆكسانی هه‌یه و به‌هۆی ماده‌ی تیمۆ كۆیینۆنی ناویه‌وه گه‌شه‌ی خانه‌كانی شێرپه‌نجه كۆنترۆڵ ده‌كات.
5ـ دارچین: له به‌هاراته به تامو چێژه‌كانه كه سودی زۆری هه‌یه و خواردنی نیو كه‌وچك له دارچین ئاسن و كالیسیۆمی له‌ش دابین ده‌كات و رێگه له گه‌شه‌ی خانه‌ی شێرپه‌نجه ده‌گرێت.
6ـ بیبه‌ری سوور: به‌هاراتێكی به‌سوده كه تایبه‌تمه‌ندی دژه شێرپه‌نجه‌یی هه‌یه، به‌ڵام نابێت له خواردنی زیاده‌ڕۆیی بكرێت.
7ـ زه‌نجه‌بیل: به‌های خۆراكی زۆره و كۆلسترۆڵی خوێن داده‌به‌زێنیت و میتابۆلیزمی له‌ش چاره‌سه‌ر ده‌كات و یارمه‌تی له‌ناو بردنی خانه شێرپه‌نجه‌ییه‌كان ده‌دات.
جگه له‌وانه‌ش خواردنی مێخه‌ك و سیر و خه‌رده‌ل و گه‌ڵای نه‌عنا و سركه و ئاڤۆكادۆ تایبه‌تمه‌ندی دژه شێرپه‌نجه‌یان هه‌یه.
 |
ـ 3 كه‌وچك ئاوى ليمۆ له‌گه‌ڵ كه‌وچكێكی بچووك زه‌رده‌چێوه تێكه‌ڵ بكه‌ن تا به شێوه‌ی هه‌ویری لێ دێت و دواتر له‌سه‌ر روخسارتان بده‌ن دوای 30 خوله‌ك بیشۆن.
ـ 4 كه‌وچك ئاوی لیمۆ له‌گه‌ڵ ته‌ماته تێكه‌ڵ بكه‌ن و بۆ ماوه‌ی 20 خوله‌ك له‌سه‌ر روخسارتان بده‌ن.
ـ ئاوی لیمۆ و هه‌نگوین به یه‌كسانی تێكه‌ڵ بكه‌ن و له‌سه‌ر روخسارتان بده‌ن و دوای 15 خوله‌ك بیشۆن. ئه‌م ماسكه بۆ ماوه‌یه‌كی زۆر روخسار سپی ده‌كاته‌وه.
ـ ئاوی لیمۆ و خه‌یار به یه‌كسانی تێكه‌ڵ بكه‌ن و له‌سه‌ر روخسارتان بده‌ن و دوای 15 خوله‌ك بیشۆن.
ـ پارچه‌یه‌ك پرته‌قاڵ له‌به‌ر خۆر وشك بكه‌نه‌وه و لێگه‌ڕێن تا نه‌رم بێت و له‌گه‌ڵ شیر تێكه‌ڵی بكه‌ن و له‌سه‌ر روخسارتان بده‌ن و به ئاو بیشۆن.
ئه‌م كچه چینیه كه ناوی چه‌ن سیۆئانه، ده‌توانێت له یه‌ك كاتدا به 2 ده‌ستی به 2 زمانی چینی و ئینگلیزی بنووسێت كه بۆته جێگه‌ی سه‌رسوڕمانی ده‌روبه‌ره‌كه‌ی.
ئه‌م كچه كه وه‌رگێڕی زمانی ئینگلیزیه و له قۆناغی ئاماده‌ییدا په‌ی به‌م توانا تایبه‌تیه‌ی بردووه.
چه‌ن ئاماژه به‌وه ده‌كات كه هاوڕێكانی ئێره‌یی به‌م توانایه‌ی ده‌به‌ن و هه‌وڵ ده‌ده‌ن به شێوه‌ی ئه‌م ئه‌مكاره بكه‌ن، به‌ڵام هیچ یه‌كێكیان له‌م هه‌وڵه‌یان سه‌ركه‌وتوو نه‌بوون و ده‌ڵێت: كۆمه‌ڵێك به بیستنی بڕوا به‌م توانایه‌ی من ناكه‌ن و به‌شێكی تریش هه‌وڵ ده‌ده‌ن لاساییم بكه‌نه‌وه.
هه موو مافه كانى پارێزراوه 2013 ©
